(१) महिला कर्मचारी सुत्केरी हुने भएमा सुत्केरी हुनु अघि वा पछि गरी
साठी दिन प्रसूती बिदा पाउनेछ ।
(२) उपनियम (१) बमोजिम प्रसूती बिदा लिएको महिला कर्मचारीले चाहेमा कुनै
पनि बिदाबाट कट्टा नहुने गरी थप छ महिनासम्म बेतलबी प्रसूति विदा लिन सक्नेछ ।
तर उपनियम (२) बमोजिमको बिदा लगातार रुपमा लिनु पर्नेछ ।
(३) उपनियम (२) बमोजिम वेतलबी बिदामा बसेको अवधि नोकरी अवधिमा
जोडिनेछ ।
(४) प्रसूति विदामा बस्दा महिला कर्मचारीले पूरा तलब पाउनेछ ।
(५) प्रसूति बिदा तथा प्रसूति स्याहार बिदा पाएका कर्मचारीलाई शिशुको
स्याहारको निमित्त ऐनको दफा ४२ को उपदफा (३) बमोजिम जनही एकमुष्ट पाँच हजार
रुपैयाँ शिशु स्याहार भत्ता दिइनेछ ।
(६) प्रसूति बिदा लिएको अभिलेख सम्बन्धित कार्यालयले अद्यावधिक बनाई राख्नु
पर्नेछ ।